Dëshira për seks e spiunit të FBI-së Charles McGonigal ishte aq e madhe saqë e kërkonte atë deri në 5 herë në ditë, çdo ditë. Kështu është shprehur ish-e dashura e tij në një intervistë për Daily Mail. Allison Guerriero thotë se ish-kreu i kundërzbulimit të FBI në Nju Jork ishte shumë i fiksuar me raportet intime. Edhe pse i martuar, McGonigal, 55 vjeç i foli asaj për seksin që herën e parë që u takuan për një drekë biznesi duke u ankuar se gruaja e tij Pamela refuzonte të bënte dashuri me të dhe ai ishte i frustruar.
“Charlie ishte spektakolar në seks… ai ishte shumë i fiksuar dhe kjo i nevojitej 3, 4 dhe madje 5 herë në ditë”, – rrëfeu 50-vjeçarja Guerriero. “Ne jetuam së bashku për gati 16 muaj dhe kjo ndodhte çdo ditë. Pra, kishte shumë seks. Ne filluam madje ta emërtojmë atë. Kështu që sapo vinte moti i ftohtë, ai dilte dhe merrte kafen time në mëngjes dhe kthehej në shtëpi dhe thoshte, është koha e “seksit latte me mente” ose “seksi latte me kungull” ose çfarëdo lloj shije” – thotë Guerriero, një ish-eksperte sigurie.
“Një herë ishte vajza e tij Sara. Ishte ditëlindja e saj e 18-të dhe ai tha, seksi i ditëlindjes së 18-të të Sarës. Dhe unë isha sikur isha në rregull, por kjo ishte pak e çuditshme. Gjithçka u bë emër seksi… është koha për “seks të mirëmëngjesi”, “seksi i natës së mirë”, “seksi në dush”, “seksi për Krishtlindje”, “seksi i Ditës së Falënderimeve”, “seksi i nënshkrimit të kontratë”, “seksi i shitjes”, çdo gjë kishim i vinim një emër. Nëse ishte Dita e Flamurit, ishte “seksi për Ditën e Flamurit”. Dhe ishte argëtuese. Na pëlqente të emërtonim seksin. Ishte gjëja jonë e vogël e lezetshme” – tha ajo.
Rrëfimi intim i Guerriero në një intervistë tepër të sinqertë për Daily Mail erdhi teksa McGonigal po përgatitet për një dënim me burg prej 50 muajsh të dhënë në Nju Jork për pastrim parash dhe komplot me një oligark rus të sanksionuar që ai duhej ta hetonte. Ai gjithashtu përballet me një dënim të mëtejshëm në Uashington DC më 16 shkurt, pasi pranoi se kishte fshehur 225 mijë dollarë para cash që mori nga Agron Neza, një ish-zyrtar i inteligjencës shqiptare.
Guerriero pranoi se tërheqja fizike e çiftit ishte aq e fortë sa ajo ende nuk do i ka besuar vetes që të shkojë në shtrat me një burrë. Ajo tani e quan atë tradhtar dhe e përbuz atë.
“Ne patëm një shkëndijë të tillë të menjëhershme apo thjesht një magnetizëm saqë ne gravituam drejt njëri-tjetrit, fizikisht, emocionalisht, mendërisht, mbi humorin, mbi punën, gjithçka. Tërheqja ishte aq e fortë në çdo mënyrë, saqë unë ende besoj se nëse do të ishim në dhomë së bashku tani vetëm, ndoshta do të bënim seks. Ishim pothuajse të varur nga njëri-tjetri. I dhashë atij kohën më të mirë që kisha pasur ndonjëherë seksualisht. Kishte një arsye që ai përfitoi. Një rast në shtator 2017 ne ishim duke bërë seks dhe në sfond ishin lajmet në radio. U dëgjua se Hugh Hefner kishte vdekur dhe ne thamë: “Le ta bëjmë Hugh krenar”. Megjithatë ai i tepronte gjërat. Ai ishte tepër i interesuar të më bënte seks oral deri në atë pikë sa isha sikur….” – thotë Guerrero.
Ish-zv.Presidente e operacioneve amerikane për firmën izraelite të sigurisë “Mifram”, ajo u takua për herë të parë me McGonigal në pranverën e 2017. McGonigal dërgoi email dhe më pas organizoi një drekë në një restorant afër vendit ku ajo jetonte në atë kohë me babanë e saj.
“Ne u fokusuam kryesisht në jetën tonë personale. Ai më thoshte se po kalonte një divorc. Ai kishte shumë për të thënë se si ishte shumë i pakënaqur me gruan e tij dhe se ajo e mërziste gjatë gjithë kohës. Ajo ishte një bezdi për të dhe refuzonte të bënte seks me të. Ai ishte shumë i frustruar seksualisht. Mund të them me siguri se ai po kalonte një periudhë të vështirë dhe kisha shumë simpati për të në atë kohë”.
Guerriero tha se pavarësisht natyrës intime të bisedës në takimin e parë, ajo nuk e gjeti atë të pazakontë për shkak të përvojës së saj me tipat “spiunësh maço”.
“Nuk ishte aspak e çuditshme për mua që ai e ofroi atë informacion. Kam qenë në atë situatë më parë me burra, me burra të tipit A, shumë herë. Dua të them liderët, burrat që dinë të udhëheqin, që mbajnë poste të fuqishme, që janë të orientuar vetëm në veprim. Njerëz që marrin rezultate. Ata priren të jenë pak të turpshëm me gratë ose të dashurat e tyre. Ata definitivisht nuk duan që bashkëmoshatarët e tyre t’i shohin gjatë gjithë kohës në një situatë ku ata do të perceptoheshin si të dobët. Kur duhet të jenë emocionalë, ekziston një zonë rehatie me një person si unë, që është një femër platonike në industrinë e sigurisë që merret me të njëjtat mekanizma ligjorë dhe nivele të larta qeverisjeje” – thotë ajo për Daily Mail.
Në atë kohë, sipas ish-të dashurës, gruaja e McGonigal po qëndronte në shtëpinë e familjes në Maryland ndërsa ai në një apartament me qira në Brooklyn pasi në 2016-ën ai u emërua në detyrën e kundërzbulimit. “Me sa duket ai kërkonte një të dashur. Ai më shoqëroi mua. Ai luajti sipas rregullave. Ai erdhi edhe takoi babanë tim. Ai pëlqente të fliste për verërat dhe purot me babanë tim” – tha ajo.
Brenda 6 javësh ata po bënin seks megjithëse hera e parë nuk ishte një ikje romantike.
“Ne po udhëtonim rreth Florham Park me fuoristradën e zezë qeveritare “Ford Explorer” dhe unë i tregova Charlie se ku shkoja në shkollë. Papritur ai sapo filloi të më puthte dhe më tha: “Kalojmë në sediljen e pasme”. Dhe unë thashë në sediljen e pasme? Çfarë jemi ne, adoleshentë? Gjithsesi ne e bëmë dhe ishte e mrekullueshme, e mahnitshme. Ishim në parkingun e shkollës”. Menjëherë pas kësaj, Guerriero thotë se u zhvendos në apartamentin e tij duke besuar se ai ishte duke u ndarë nga gruaja.
“Charlie nuk fliste kurrë shumë shpesh për gruan e tij, por kur fliste, nuk bënte komplimente. Ai më thoshte se ajo në të vërtetë nuk e pëlqen veten. Kjo ishte ndoshta arsyeja pse ajo nuk e donte atë. Ai thoshte se ajo ishte një nënë e shkëlqyer, por martesa ishte e vdekur. Ai më tha se ajo ishte shumë e pakënaqur me peshën e saj dhe thjesht kishte të gjitha këto probleme me pamjen e trupit. Nuk e di nëse ai në të vërtetë ishte ndarë nga gruaja e tij. Sikur ta dija. Nuk di çfarë të rrëfej. Nuk e di nëse kam kryer tradhti bashkëshortore”.
Kur ishin së bashku, McGonigal nuk e fshehu marrëdhënien e tij me Guerriero duke e çuar atë edhe në zyrën kryesore të FBI-së në Manhattan duke e prezantuar atë si “të dashurën” e tij. Daily Mail shkruan se ai bëri një udhëtim në Shqipëri gjatë marrëdhënies së tyre në vitin 2017 dhe në një moment i kërkoi Guerrieros që ta shoqëronte për të takuar manjatin e metaleve të sanksionuar Oleg Deripaska, mikun e presidentit despot Putin. Në fillim të tetorit, çifti duhej të shijonte një drekën për ditëlindjen e Guerrieros, por festa u anulua papritur sepse drejtori aktual i FBI-së Christopher Wray erdhi në qytet dhe McGonigal duhej të merrte pjesë në takim.
“Kështu që ne dolëm ose më 5, 6 ose 7 tetor” – tha ish-e dashura. Sipas dokumenteve të gjykatës, më 5 tetor McGonigal mori 80 mijë dollarë nga ish-bashkëpunëtori i tij zyrtar i inteligjencës shqiptare në një makinë të parkuar jashtë një restoranti në Nju Jork. Guerriero thotë nuk mund të kujtojë asgjë që ka ndodhur atë natë kur ata ishin jashtë. Tashmë ajo pyet nëse festa ishte një mënyrë për t’u maskuar. Javë më vonë ajo bëri një zbulim befasues në banesën e tyre. Ajo gjeti një çantë që kishte atë që ajo tani e di se ishin 80 mijë dollarë në kartëmonedha 100 dollarëshe, të mbështjellë mjeshtërisht.
“Mendja më shkoi tek ato që ne i quajmë fletë-role. Mund të ishin para që do t’i jepeshin një informatori sekret ose një agjenti të fshehtë nga ata që vazhdojnë të operojnë në terren. Ato ishin në qese plastike të zezë me shkrime ari, njëlloj si ato që merr në një dyqan pijesh alkoolike. Nuk ishte tamam e fshehur” – thotë ajo.
McGonigal i tha asaj se i kishte fituar paratë nga bastet në një lojë bejsbolli. Guerriero thotë se e dëgjoi me durim, por dyshimet kishin filluar. Megjithatë, ishte rrëfimi i McGonigal se ai nuk po divorcohej nga gruaja e tij që çoi në ndarjen e tyre në prag të Krishtlindjeve të 2018-ës, tre muaj pasi ai u largua nga FBI dhe ishte bërë shef i sigurisë për 850 mijë dollarë në vit në një bankë.
“Ai më tha se ata do të qëndronit të martuar dhe se ai dhe unë do të ndaheshim. Unë thashë, çfarë dreqin po bënim 18 muajt e fundit?” – thotë ajo. Vendimi i McGonigal për të ndërprerë lidhjen mund të ketë paralajmëruar rënien e tij eventuale. Guerriero informoi njerëzit që njihte në FBI për dyshimet e saj në 2019-ën pasi reflektoi mbi ngjarjet. Akuzat e saj dukej se kishin rënë në vesh të shurdhër, megjithëse rrotat e drejtësisë filluan të rrotulloheshin kundër McGonigal dhe ai u arrestua në janar 2023. Në atë kohë, ai dhe Pamela jetonin në Manhatan.
“Pasi Charlie dhe unë u ndamë, unë kalova një sërë javësh dhe muajsh duke rrotulluar gjithçka në kokën time. Dhe më kishte shkuar në mendje, ky djalë është tradhtar. Ai po merrte ryshfet për të ndikuar. Ai merrte ryshfet për të punuar me Oleg Deripaskën, me të cilin më ftoi të takoheshim në Vjenë kur ishim ende në lidhje. Dhe sa herë që përpiqesha të flisja me FBI-në për këtë, ata nuk donin të dëgjonin. I thashë William Sweeney ish-shefit të tij. U thashë njerëzve të tjerë brenda shërbimit të tyre të lartë ekzekutiv dhe askush nuk bëri asgjë. FBI dhe Departamenti i Drejtësisë i Shteteve të Bashkuara nuk donin të dëgjonin se superylli i tyre ishte komprometuar”.
Daily Mail zbulon se McGonigal i është lutur gjyqtares së gjykatës së DC, Colleen Kollar-Kotelly që të mos e rëndojë dënimin e tij me 50 muaj burg, kur ajo të shprehet për çështjen shqiptare më 16 shkurt. Prokurorët po kërkojnë që ai të marrë edhe 30 muaj burg dhe një gjobë prej 95 mijë dollarësh. Ai do të paraqitet në burg më 26 shkurt.
Guerriero, e cila më parë ka kritikuar gruan e McGonigal për luksin në rrjetet sociale tashmë reflekton: “Shumë herë njerëzit më kanë thënë që Charles McGonigal bënte një jetë të dyfishtë. Dhe unë them, jo. Charles McGonigal bëri disa jetë paralele dhe në me të vërtetë ai po ecte në një litar të ngushtë.
Ai kishte familjen e tij në Maryland, ai më kishte mua në Nju Jork, ai kishte familjen time, ai kishte familjen e tyre të gjerë, ai kishte FBI-në, ai kishte CIA, ai kishte të gjithë aparatin tonë të sigurisë kombëtare dhe atë të vendeve të tjera. Unë do të thoja se ai po jetonte të paktën 8 jetë të ndryshme. Dhe ai u prezantonte të gjithëve një foto ndryshe. As unë nuk do të dija nga t’ia nisja, shefat e tij, shqiptarët, boshnjakët, rusët. Gruaja e tij” – e mbyll ajo. ©Daily Mail,
