Zhvendoset Eurovisioni, ja ku do të zhvillohet për herë të parë
Eurovisioni do të zhvillojë për herë të parë një edicion në Azi. Dhjetë vende kanë konfirmuar pjesëmarrjen, përfshirë Korenë e Jugut, Tajlandën dhe Filipinet, dhe pritet që lista të rritet.
Këto vende do të organizojnë konkurrimet e tyre kombëtare përpara finales së madhe në Bangkok më 14 nëntor.
Edicioni i këtij viti shënon 70 vjetorin e Eurovisionit, konkursit ndërkombëtar muzikor më të gjatë në botë.
Martin Green, drejtori i Eurovision Song Contest në EBU, tha se hapja e edicionit në Azi është e rëndësishme për të njohur kulturën dhe talentin e rajonit.
Në konkursin aziatik, pjesëmarrësit do të interpretojnë këngë origjinale, ndërsa çdo votë do të ketë rëndësi. Lista aktuale e vendeve përfshin Bangladeshin, Butanin, Kamboxhinë, Laosin, Malajzinë, Nepalin, Filipinet, Korenë e Jugut, Tajlandën dhe Vietnamin.
Organizatorët shpresojnë që edicioni aziatik të ketë sukses më të madh se versioni amerikan i Eurovisionit, i zhvilluar në 2022, dhe tërheqja e të rinjve përmes K-popit, karaokes dhe muzikës pop ka rritur pritshmëritë për festivalin në Azi.
