Barcelona ‘harron’ PSG-në dhe Real Madridin, spektakël tenistik.
Barcelona ka reaguar në mënyrën më të mirë të mundshme pas zhgënjimeve në Champions League ndaj PSG-së dhe humbjes në El Clasico kundër Real Madridit. Katalanasit kanë dhuruar një spektakël të vërtetë, duke shkatërruar Alavesin me rezultatin e thellë 6-1 dhe duke rikthyer buzëqeshjen te tifozët e tyre.
Ndeshja nisi me ritëm të lartë dhe vetëm në minutën e 8-të Raphinha zhbllokoi rezultatin, pas një aksioni të bukur ofensiv. Barcelona vazhdoi të dominonte dhe në minutën e 23-të ishte Fermin Lopez që dyfishoi shifrat, duke finalizuar saktë pas një pasimi të shkëlqyer nga Lamine Yamal.
Në minutën e 41-të erdhi edhe goli i tretë. Këtë herë Fermin shërbeu për brazilianin, i cili nuk gaboi përballë portierit dhe firmosi ‘dopietën’ personale.
Pak para përfundimit të pjesës së parë, Lamine Yamal vendosi edhe firmën e tij në ndeshje. Në minutën e 45+1, talenti spanjoll lëshoi një goditje fantastike nga distanca, duke çuar rezultatin në 4-0.
Pas pushimit, Barcelona nuk e uli ritmin. Në minutën e 64-t, Yamal realizoi sërish me një finalizim të bukur brenda zonës. Goli u kontrollua nga VAR-i dhe u konfirmua dy minuta më vonë.
Spektakli u kompletua në minutën e 81-të, kur Anthony Gordon, i aktivizuar nga Hansi Flick në vend të Yamalit, shfrytëzoi pasimin e Rodrit dhe me një parabël të bukur mposhti portierin për rezultatin përfundimtar 6-0.
Alavesi e gjeti golin e nderit në minutën e 84-t me Diaz.
Një fitore bindëse, gjashtë gola dhe një përgjigje e fortë pas dy goditjeve të fundit. Barcelona duket se ka gjetur mënyrën më të mirë për të kthyer entuziazmin: duke fituar dhe duke shënuar me bollëk.
