Sheryl Lee Ralph ka pohuar se ishte ngacmuar seksualisht nga një “gjyqtar televiziv i famshëm” në një ngjarje biznesi vite më parë, duke pretenduar se drejtuesit e rrjetit ishin dëshmitarë të sulmit, por iu tha të mos fliste për të shmangur një skandal.
“Isha në një vend publik duke promovuar shfaqjen në të cilën isha në atë kohë. Ne të dy punonim në të njëjtin rrjet televiziv”, pohoi Ralph për incidentin.
“Ky njeri hyri, më kapi, më ktheu dhe ma futi gjuhën në fyt. Të gjithë nga rrjeti që ishin aty e panë”, vijoi aktorja.
Megjithatë, Ralph nuk zbuloi emrin e gjyqtares, as periudhën në të cilën ajo pretendon se ka ndodhur incidenti, por u sigurua të vinte në dukje se nuk ishte gjyqtari Greg Mathis. “E dashuroj atë. Ai është një person i mrekullueshëm”, tha ajo për yllin e “Judge Mathis”. “Nuk ishte ai. Ai është një njeri i madh. Ai ishte dikush tjetër”.
Ralph e deklaroi këtë në podcast “The Way Up With Angela Yee”. E mërzitur dukshëm teksa tregoi historinë e saj, aktorja tha se vendosi të flasë për këtë me shpresën për të inkurajuar gratë dhe aktorët e tjerë që të ngrihen për veten e tyre.
“Fol, thuaj të vërtetën tënde, mos e mbaj barrën e dhimbjes… veçanërisht nëse ndihesh sikur është diçka me të cilën nuk mund të përballesh”, tha Ralph.
Aktorja tha gjithashtu se edhe pse kishte ndërmend të raportonte ngjarjen, “dikush nga rrjeti më goditi në shpatull duke thënë: “Të lutem mos e bëj”. Ata nuk donin një skandal rreth shfaqjes së tij dhe nuk u interesonte çfarë kishte ndodhur me mua”.
