Wednesday, February 28, 2024
spot_imgspot_imgspot_imgspot_img
HomeKRYESOREArkivi i muzikës në një stallë derrash, rreth 3 milionë regjistrime këngësh.

Arkivi i muzikës në një stallë derrash, rreth 3 milionë regjistrime këngësh.

Kjo stallë derrash është vendi më i pazakontë për të ruajtjen e 3 milionë regjistrimeve të këngëve nga e gjithë bota.

Ajo është një ndërtesë  shumëngjyrëshe e cila dikur është përdorur për rritjen e derrave në New Jork, por që Arkivi i muzikës bashkëkohore e ka zgjedhur për të vendosur të gjithë koleksionin e tij muzikorë por jo vetëm.

Zhvendosja në 2020 u bë pasi godina ku qëndronin fillimisht u shtrenjtua dhe ata gjetën këtë vendin më në periferi, megjithatë, mendojnë të lëvizin përsëri.

“Ka probleme me marrjen e lejeve për të qëndruar në këtë hapësirë,” shpjegoi George, themeluesi dhe drejtori i arkivit muzikor bashkëkohor. “Pra, tani duhet të lëvizim. Ky është fokusi ynë kryesor tani, po përpiqemi të gjejmë një vend… me shpresë në një nga linjat e trenit që shkojnë në qytetin e Nju Jorkut. “

George themeloi arkivin jofitimprurës në 1985, duke i shtuar koleksionin e tij prej 47,000 regjistrimesh. Që atëherë është përqendruar të  mbledh sa më shumë regjistrime duke  rritur në më shumë se 3 milionë  krijimtari muzikore.

Arkivi përbëhet nga këngë dhe disqe, së bashku me libra, postera dhe relike të cilësisë së mirë. Muzika është nga i gjithë globi, dhe zhanret variojnë nga rock and roll dhe blues në afrikane, punk, country, hip hop dhe eksperimentale.

Ka kopertina të albumeve të nënshkruara nga Rolling Stones, Queen, David Bowie dhe David Byrne, ndër shumë të tjerë.

Qëllimi i ARC është të ruajë dy kopje të çdo regjistrimi të bërë ndonjëherë, një për t’u përdorur si një kopje dëgjimore dhe një e dytë si një kopje arkivore.

George thotë se shpreson se mund të gjejë një hapësirë të re publike për të vendosur arkivin. Ai parashikon që ajo të bëhet një qendër kërkimore publike që do të shërbejë si një bibliotekë, do të presë studiues rezidentë dhe madje do të krenohet  me një hapësirë arti dhe studio regjistrimi.

POSTIME TË NGJASHME

LEAVE A REPLY

Please enter your comment!
Please enter your name here

- Advertisment -

NJOFTIME TË NDRYSHME

MË SHUMË LAJME