Ministri i Brendshëm Taulant Balla, ditën e sotme është pyetur nga gazetarët lidhur me veprimin e Sali Berishës që u flet mbështetësve nga ballkoni i shtëpisë.
Balla gjatë gjithë fjalës së tij nuk e përmendi emrin e Sali Berishës por iu drejtua me zotëria.
“Kam dëgjuar shumë intepretime nga mediat për mënyrën e zbatimit të arrestit në shtëpi. Kodi i Procedurës Penale thotë se ke të gjitha ndalimet që ke gjatë arrestit me burg. Nuk e kam shkruar unë as zotëria por e kam votuar dhe unë dhe zotëria. Këtu është ndarja e dy botëve. Nuk dua të hyj asnjë koment. Nuk kam pasur asnjë kontakt me policinë e shtetit që shtetasi në fjalë të trajtohet një lloj si shtetasit e tjerë. Është e papranueshme por megjithatë i takon institucioneve të tjera të komentojnë”, tha Balla ditën e sotme.
