Dafina Zeqiri po rikthehet pak javë pasi u bë nënë për herë të parë. Ajo ka publikuar së fundmi një set të ri fotografik në llogarinë e saj zyrtare në Instagram. ‘Shtatzënia nuk më ngadalësoi, amësia më bëri edhe më të fortë”,-shkruan artistja.
Në fotografitë e publikuara, Dafina shfaqet përkrah një veture luksoze Ferrari, në një pistë garash, ku dominon një atmosferë moderne dhe dinamike. Pavarësisht sfidave të mëdha që sjell mëmësia, artistja duket se e ka përqafuar këtë kapitull me plot krenari dhe vetëbesim.
