Një kullë shumëkatëshe deri në 225 metra lartësi, me një restorant panoramik dhe një pishinë me pamje mbi qytetin, do t’i shtohen Pallatit të Kongreseve. Transformimi i godinës së ndërtuar në vitet ’80, si një ndër veprat moderne të kohës, iu besua projektit të studios zvicerane “Herzog & de Meuron Basel Ltd”.
Projekti u përzgjodh mes 5 propozimeve të paraqitura në një konkurs të zhvilluar këtë të martë në Tiranë. Juria e vlerësoi në mënyrë unanime projektin fitues.
Kryetarja e jurisë, Mari Randsborg, tha se projekti i përzgjedhur ka potencialin të japë një kontribut të rëndësishëm në zhvillimin e Tiranës dhe të krijojë vlerë për brezat e ardhshëm.
