Ish-kryetari i bashkisë së Lushnjës Fatos Tushe ka shkuar sot në SPAK, i shoqëruar nga avokati i tij. Dyshohet se Tushe është thirrur për një hetim tjetër të nisur ndaj tij. Ai akuzohet nga Prokuroria e Posaçme për ‘fshehje pasurie’.
Ish-kryebashkiaku përfundoi dënimin pak kohë më parë për shpërdorim detyre dhe shkelje të barazisë në tendera. Në korrik të vitit 2021, Tushe u vu në pranga dhe më pas u dënua, i akuzuar për korrupsion dhe shpërdorim detyre në lidhje me një tender të bashkisë së Lushnjes.
