Thursday, June 20, 2024
spot_imgspot_imgspot_imgspot_img
HomePOLITIKËIdrizi: PDIU e vetme më 14 maj. Asnjë palë nuk kërkoi bashkëpunim

Idrizi: PDIU e vetme më 14 maj. Asnjë palë nuk kërkoi bashkëpunim

Partia për Drejtësi, Integrim dhe Unitet e drejtuar nga Shpëtim Idrizi ka marrë vendimin të garojë e vetme në zgjedhjet lokale të 14 majit duke thënë se asnjë nga palët në PD nuk ka kërkuar bashkëpunimin e tyre.

Në respekt të interesimit të mediave deklaroj:

Bazuar në ndryshimet e fundit Kushtetuese për heqjen e koalicioneve, PDIU ka marrë vendimin që të dalë e vetme në zgjedhje

Më duhet të theksoj që PDIU nuk është kontaktuar asnjë here, nga asnjë nga 2 palët e PD, për të kërkuar bashkpunimin e saj.

PDIU e ka bërë të qartë që nuk përfshihet dhe nuk mban anë në debatin e brendshëm në PD, por në mënyrë të përsëritur ka bërë thirrje që ata që flasin në emër të demokratëve e kanë detyrë që të bashkohen e të sjellin një forcë solide në zgjedhjet që priten të mbahen.

Shqiptarët e Ҫamërisë e njohin mirë historinë e tyre dhe të parëve të tyre dhe e dinë mirë se si i vrau e masakroi Napoleon Zerva me bandat e tij dhe se si tentoi ti vriste për së dyti Enver Hoxha dhe komunistët, por po kaq e padrejtë është dhe intimidimi, indiferenca e Partive Politike kryesore në këto 32 vite. Çështja Ҫame do të zgjidhet kur të gjitha partitë politike me mbështetjen e aleatëve tane SHBA, BE dhe Britani e madhe, të vendosin të parin interesin kombëtar dhe jo partiak a të liderve të tyre.

PDIU nuk i ka bërë kurrë thirrje mbështetësve të një partie tjetër politike se si duhet të votojnë, por sot është koha ti bëjmë thirrrje shqiptarëvë të mos votojnë Fredi Bejlerin, njeriun e akuzuar për masakrën e Peshkëpisë dhe i dënuar me vendimin e Gjykatës Vlorë, me nr 224/24.9 2004 dhe me numër 302/26.12.2006 me 3 vite burg për dhunim të simboleve shtetërore shqiptare.

Shqiptarët nuk mund e nuk duhet të votojnë njeriun që bën edhe sot fushatë me flamurin e Vorio Epirit i cili advokon autonominë e Vorio- Epirit, i cili tenton të prekë tërësinë territoriale të Shqipërisë, atdheut tonë.

POSTIME TË NGJASHME

LEAVE A REPLY

Please enter your comment!
Please enter your name here

- Advertisment -

NJOFTIME TË NDRYSHME

MË SHUMË LAJME