Interi ruan hapin e Juventusit dhe merr një tjetër fitore në kampionat që e rikthen në krye të renditjes. Skuadra zikaltër mundi 4-0 Udinesen në shtëpi.
Skuadra zikaltër vuajti vetëm në gjetjen e golit të parë, që do të vinte pas një penalltie të fituar nga Lautaro dhe të kthyer në gol nga Calahanogli në minutën e 37-të. 5 minuta më pas Dimarco do të dyfishonte shifrat, ndërkohë që pa u mbyllur pjesa e parë emrin në listën e shënuesve e vendosi edhe Marcus Thuram.
Në pjesën e dytë, Lautaro Martinez vulosi fitoren e radhës për Interin. Skuadra e Inzaghit mban kreun me 38 pikë, dy më shumë se Juventusi.
