Barcelona ka zbuluar fanellat për sezonin e ri 2022/2023 në të cilin shpreson të kthehet në shtigjet e lavdisë së vjetër.
Fanella është zbukuruar me vija tradicionale vertikale, por këtë herë, përveç të kuqes, dizajnerët e fanellës së re të Barçës vendosën edhe për dy nuanca të blusë.
Trajneri Xavi është i kënaqur me dizajnin e fanellës, ashtu si edhe shumë fansa që vlerësuan pamjen e saj në rrjetet sociale.
Presidenti i katalansave, Joan Laporta bëri me dije se fanella është e ngjashme me atë të Lojërave Olimpike të vitit 1992.
“Në vitin 1992 u ndez një flakë që i bëri të gjithë të shikonin nga Barcelona. Kjo flakë është ende e gjallë brenda nesh dhe kjo është arsyeja pse fanella e re e Barçës është frymëzuar nga evolucioni që Barcelona ka pasur falë Olimpiadës së vitit 1992. Barcelona u ndërtua duke respektuar thelbin e saj dhe Barça përballet me një epokë të re besnike ndaj origjinës sonë: Masia, stili i lojës, talentet e rinj, etj. Cules, këtë fanellë do ta mbrojmë të gjithë së bashku: lojtarë dhe tifozë, me synimin për të luftuar sërish për të fituar shumë tituj”.
Ajo që do të ndryshojë në lidhje me sezonin e ri është emri i sponsorit gjeneral të klubit dhe në vend të mbishkrimit Rakuten, tashmë në pjesën e përparme të fanellës do të jetë Spotify
