E gjithë java që kemi përpara, do të jetë e acartë. Sipas Shërbimit Meteorologjik Ushtarak, e gjithë java do të ndikohet nga masa ajrore siberiane.
Parashikimi i motit për javën që vjen:
Për javën që presim përpara vendi ynë do të ndikohet nga masa ajrore të acarta me origjinë verilindore (siberiane) me temperatura që do të ‘mbërthehen’ në vlera negative në pjesën më të madhe të territorit.
Në këtë mënyrë; për shkak të origjinës së masave ajrore kontinentale dhe të thata moti parashikohet i kthjellët në të gjithë territorin me vranësira të pakta deri mesatare kalimtare në relievet malore për të gjithë javën.
Po ashtu era do të fryjë me drejtim kryesor nga kuadrati i veriut për të gjithë javën me shpejtësi mesatare 1-8m/s ndërsa hera-herës përgjatë vijës bregdetare dhe zonat luginore e fortë dhe shpejtësi deri në 10-15m/s.
