Jesse Eisenberg, i nominuar për çmimin Oscar i dhuron një veshkë një të panjohuri
Jesse Eisenberg, aktori dhe regjisori i nominuar për çmimin Oscar, zbuloi në një intervistë për NBC një gjest personal bujarie, që tejkalon edhe mesazhet e tij në ekranin e madh.
Ishte një zgjedhje e qartë, Nuk u mendova dy herë”, tha 42-vjeçari, i cili luajti në filmin “The Social Network” të vitit 2010, duke zbuluar se operacioni për heqjen e veshkës është planifikuar për gjashtë javë.
“Nuk e di se si ndodhi. U infektova nga praktika e dhurimit të gjakut. Por, në mesin e dhjetorit do të bëj një tjetër dhurim altruist dhe jam shumë i lumtur”, shtoi Jesse, i cili vitin e kaluar shkroi, drejtoi dhe luajti në filmin “A Real Pain”, historinë e dy kushërinjve që shkojnë në një turne në Poloni për të nderuar gjyshen e tyre të ndjerë.
Skenari i Jesse-s i fitoi atij një nominim për Çmimin e Akademisë, ndërsa ylli Kieran Culkin fitoi për Aktorin më të Mirë
Dhurimi altruist është kur një person i dhuron një veshkë një të panjohuri që ka nevojë urgjente për të.
“Është një operacion pa rrezik për dhuruesin dhe ekziston një nevojë ekstreme”, shpjegoi ai më vonë për “USA Today’’.
Eisenberg tha se fillimisht e kishte pasur idenë 10 vjet më parë dhe kishte kontaktuar një organizatë të specializuar, por nuk kishte marrë përgjigje.
Duke folur kohët e fundit me një mik mjek, ai u dërgua në Langone, një spital në Nju Jork ku procesi u vu në lëvizje në përgatitje të operacionit.
Zgjedhja e Eisenberg vjen në një kohë vendimtare për rritjen e ndërgjegjësimit publik mbi një çështje që shpesh injorohet.
Shtetet e Bashkuara aktualisht përballen me një mungesë të dhuruesve të organeve.
Sipas Administratës së Burimeve dhe Shërbimeve Shëndetësore, që nga shtatori 2024, afërsisht 90 000 njerëz ishin në listën e pritjes për një transplant veshke.
