Friday, June 21, 2024
spot_imgspot_imgspot_imgspot_img
HomeKRYESOREKallmeti, talenti 17-vjeçar që ka ëndërr fanelën kuqezi ftesë nga “gjigantët” grek

Kallmeti, talenti 17-vjeçar që ka ëndërr fanelën kuqezi ftesë nga “gjigantët” grek

Ëndërra e çdo të riu shqiptar kur nis rrugën e futbollit është që një ditë të veshë fanelën kuqezi, por edhe të luajë jashtë vendit. Një ndër ta është edhe 17-vjeçari shtatlartë, Hamit Kallmeti që ka lindur në Fushë-Krujë dhe që futbollin e ka nisur disa vite më parë qysh fëmijë, me ëndrrën për të prekur majat, dhe për të vijuar më pas hapin e radhës tek Akademia e Futbollit. Ai luan si 6-ësh ose 8-ësh në mesfushë. Jo më kot konsiderohet edhe nga trajnerët që e kanë stërvitur, si një element me shumë perspektivë, në saj të konstruktit, por edhe aftësive individuale tekniko-taktike që ai zotëron.

Sezonin e fundit e mbylli si pjesë e Akademisë së Tiranës që krahas ekipeve të moshave, në saj të aftësive individuale ka luajtur edhe me ekipin U-21 bardheblu. Synimi dhe karriera e tij është për më shumë në të ardhmen e afër, ndaj edhe ka tentuar dhe është testuar jashtë vendit. Ai ka qenë në prove tek gjigantët spanjollë, Akademia e Valencias, e po ashtu për të ka shfaqur interes edhe Legia e Varshavës në Poloni afro një vit më parë, por fakti që ka qenë nën 18-vjeç, e bëri të pamundur firmosjen, si ekstra-komunitar.

Me eksperiencën tashmë prej 1-viti në klubin e Tiranës, por edhe nëpërmjet menaxherit të FIFA-s Bruno Dodi, në adresën e lojtarit kanë mbërritur ftesa, që ai të testohet në Greqi, në akademitë e klubeve të njohura në shtetin fqinj si AEK dhe Olimpiakos, për t’u bërë pjesë e tyre në vijim. Aktualisht shtatlarti Hamit Kallmeti ndodhet në periudhë testimi tek U-19 e Atromitos, ndërsa e ardhmja e afër e sheh në Europë, edhe pse drejtuesit bardheblu e kanë pasur në planet e tyre për sezonin e ardhshëm. Është vetë futbollisti algjerian mjaft i njohur në Europë, Rafik Xhibur që ka luajtur me klubet e njohura në Europë si: Okser, Marsejë, Notingam Forest, AEK, Olimpiakos, që po e ndjek nga afër talentin shqiptar dhe që si një nga bashkëpunëtorët më të ngushtë të Brundo Dodit, do të mundësojnë kalimin e mesfushorit Hamit Kallmeti.

“Po kaloj një eksperiencë ndryshe, unë jam provuar edhe më parë jashtë vendit, madje mund të luaja edhe në Skoci apo dhe Poloni, por pengesa e vetme ka ndodhur për shkak dokumentaconi. Eksperienca te Tirana më ka ndihmuar shumë, pasi kam punuar me një trajner shumë profesionist si Gentian Muça dhe unë shpresoj që të lë gjurmë dhe tashmë karriera ime të ketë një tjetër rrjedhë, për të luajtur në Europë. Me punë dhe besoj se edhe me negociatat e menaxherit tim Bruno Dodi do t’ia dalim. Dëshira ime është që të bëhem pjesë e Kombëtareve U-19 apo dhe Shpresës si dhe një ditë të vesh fanelën kuqezi të Kombtares A. Është e vështirë, por do të punoj shumë dhe ky mendoj se është momenti i duhur që unë të hedh një hap të rëndësishëm në karrierën time”,-tha mesfushori Hamit Kallmeti.

POSTIME TË NGJASHME

LEAVE A REPLY

Please enter your comment!
Please enter your name here

- Advertisment -

NJOFTIME TË NDRYSHME

MË SHUMË LAJME