Mallakastrioti Alket Rizai përfshihet në shkëmbim zjarri në Greqi, dy të plagosur

Greqi – Shqiptari Alket Rizai një ish-bashkëpunëtor i të shumëkërkuarit grek Vasilis Paleokostas dhe i arratisur dy herë me helikopter nga burgu. ishte i përfshirë në incidentin me të shtëna në një bar plazhi në Anavyssos të Athinës, ndodhur nw orët e para të mëngjesit të sotëm.

Nga analiza e pamjeve filmike që policia arriti të shihte vetëm vonë pasdite, ata përcaktuan se një nga personat e përfshirë në incidentin në barin e plazhit ishte Alket Rizai, i cili ishte liruar nga Burgu i Domokos me leje.

Lidhur me kronologjinë e rastit, policia mori një telefonatë për të shtëna në vendngjarje në orën 5:15 të mëngjesit. Kur policia mbërriti atje, nuk gjeti askënd atje, vetëm dy gëzhoja dhe njolla gjaku.

Më vonë, ata u informuan nga Qendra Shëndetësore e Kalivisë se një burrë 20-vjeçar grek me një plagë nga fragment xhami në kyçin e këmbës dhe një burrë 41-vjeçar pakistanez me një plagë plumbi në pulpë ishin dërguar atje për ndihmën e parë, dhe u morën deklarata nga të dy, të cilët rezultuan të ishin punonjës të biznesit, por ata dhanë versione të ndryshme të incidentit, ashtu si edhe pronari i biznesit.

Më në fund, siç doli, në një moment, ndërsa shumica e njerëzve kishin dalë nga lokali, pronari e uli muzikën. Pastaj Alket Rizai, i cili ishte atje me dy nga miqtë e tij, doli në parking dhe e ngriti muzikën me zë të lartë në makinë. Pronari doli dhe i qortoi sepse kishte frikë se mos thirrej policia për shkak të zhurmës.

Pastaj ata u grindën dhe njerëz të tjerë nga biznesi dolën jashtë. Në një moment, gjatë grindjes, Alket Rizai duket se nxjerr një armë dhe hap zjarr nw ajwr, dhe më pas hap zjarr edhe një afgan që doli nga lokali, i cili ndoshta po punonte si bodyguar. Nga tw shtwnat plumbat bënë rikoshet dhe plagosën dy punonjësit e tjerë të biznesit.

Alket Rizai dhe dy miqtë e tij hipën në makinë dhe ikën me shpejtwsi, ndërsa afgani, i cili është gjithashtu në kërkim, iku nga vendi i ngjarjes. Pronari deri më tani është arrestuar për dhënien e deklaratës së rreme në lidhje me incidentin.

Vihet re se mëngjesin e sw hwnws Alket Rizai duhet të kthehet në Burgun e Domokos, përndryshe do të shpallet i arratisur dhe kjo ka shkaktuar tashmë mobilizimin e Policisë.

https://geo.dailymotion.com/player.html?video=xb7fagm