Maroku është surpriza e madhe e këtij Botërori, duke marrë një kualifikim historik ndaj Spanjës për në çerekfinale. Koha e rregullt do të përfunonte pa gola ndërkohë që me penallti Maroku do të fitonte 3-0.
Asensio shpërdoroi një mundësi të mirë përballë portierit në minutën e 27-të, por goditja e tij shkoi në rrjetën e jashtme.
Maroku u kundërpërgjigj 5 minuta më pas me një goditje të fortë të Mazraoui, që do të ndalej nga portieri Unai Simon.
Në pjesën e dytë loja është e mërzitshme, me Spanjën që u shfaq disi më e rrezikshme me Moratën në fushë. Ndeshja do të shkonte në kohën shtesë, ku nuk do të kishte asnjë gol.
Më pas në ruletin e penalltive, Spanja ishte në një mbrëmje të zezë, pasi Sarabia, Soler dhe Busquets do të gabonin.
