Milani ka vendosur qartë prioritetet e merkatos për këto javë të para të verës: përforcimi i mesfushës është objektivi kryesor i klubit kuqezi. Kjo strategji konfirmohet nga marrëveshja e arritur për Luka Modric, i cili do t’i bashkohet skuadrës pasi të mbyllë pjesëmarrjen në Kupën e Botës për Klube me Real Madridin.
Në të njëjtën kohë, drejtori sportiv Igli Tare është duke ushtruar presion për të afruar dy emra të tjerë: Granit Xhaka dhe Javi Guerra. Për mesfushorin zviceran, marrëveshja me lojtarin është arritur, por bisedimet me Bayer Leverkusen vijojnë. Klubi gjerman, i vetëdijshëm për rëndësinë e Xhakës dhe kontratën që e lidh deri në 2028, po vlerëson ofertën e parë prej 10 milionë eurosh nga Milani. Në negociata mund të përfshihet edhe kartoni i Malick Thiaë, mbrojtës që pëlqehet nga Leverkusen dhe që më parë ishte vlerësuar nga kuqezinjtë rreth 35 milionë euro.
Sa i përket Javi Guerra, lojtari i ri i Valencias dhe pjesëmarrës aktual në Kampionatin Evropian U21 me Spanjën, Milani ka rritur kontaktet pas vështirësive për të marrë Tajon Jashirin nga Club Brugge (klubi belg kërkon mbi 30 milionë euro).
Për Guerra, Tare ka gati një ofertë prej 21 milionë euro, por Valencia kërkon të paktën 25 milionë, pasi 30% e shumës do të shkojë në arkat e Villarrealit. Klubi milanez është optimist, por është i ndërgjegjshëm se do të duhet një sakrificë shtesë për të siguruar shërbimet e talentit 22-vjeçar.
