Lufta ruse në Ukrainë, ka shkaktuar polemika edhe në ”Miss Grand International”. Në finlen e madhe që do të mbahet më 25 tetor, do të jetë edhe Olga Vasyliv, e cila përfaqëson Kievin dhe Ekaterina Astashenkova që përfaqëson Rusinë.
Vajzat janë bërë objekt i një përplasje Ukrainë-Rusi. Pasi dy vajzat kaluan në finalen e këtij kompeticioni, organizatorët nuk e menduan gjatë dhe i vendosën ato të dyja në një dhomë hoteli, por kjo është shoqëruar me reagime të shumta, fillimisht nga përfaqësuesja e Ukrainës.
Olga Vasyliv e cila përfaqëson Kievin shkroi menjëherë në Instagram. “Nuk dua të qëndroj në një dhomë me një vajzë nga një vend terrorist”. Organizatorët reaguan dhe vendosën t’i ndanin vajzat menjëherë, por zhurma nuk u mbyll me aq në rrjetet sociale.
Kurse rusja Ekaterina thotë se është me origjinë nga Ukraina dhe është kundër luftës. ”Unë jam kundër urrejtjes dhe pro miqësisë, dashurisë dhe paqes në botë”.
