Armando Subashi duket se nuk është më kryebashkiaku i preferuar i fierakëve. Aferat dhe akuzat e shumta publike e mediatike, kanë ndikuar fort në uljen e imazhit të tij në sytë e fierakëve. Në sondazhin e newsbomb.al, fitues bindshëm është ekonomisti Evdar Kodheli.
Kandidati i koalicionit “Bashkë Fitojmë” ka marrë 58.62% të votave, si më i preferuari nga qytetarët për të drejtuar Bashkinë e Fierit, pas 14 Majit.
Bashkia e Divjakës është e radhës që pritet të ketë surpriza në këto zgjedhje, referuar sondazhit 25 ditor të newsbomb.al. Kandidati i dyshes Berisha-Meta, Aurel Malko ka marrë 50.70% të votave, përballë kandidatit të ri të Partisë Socialiste Josif Gorrea.
Në katër bashkitë e tjera të Qarkut Fier, kryesojnë kandidatët aktualë të Partisë Socialiste.
