Një plazh shqiptar në mesin e 50 plazheve më të bukura në botë

Një nga faqet e njohura online e udhëtimeve ka renditur 50 plazhet më të bukura në botë.

Faqja online e udhëtimeve “enjoytravel.com” ka renditur ndër plazhet më të bukura edhe një nga Shqipëria.

Mes destinacioneve është edhe plazhi i Gjipesë.

“Shqipëria është cilësuar si një nga vendet më të mira për t’u vizituar për vitin 2023. Nëse po planifikoni një vizitë, tani është koha për ta bërë atë. Dhe padyshim plazhi më i bukur në Shqipëri është Gjipe. Është e arritshme vetëm me një ecje dyzet minuta ose një varkë. Nuk është e lehtë, por gjiri i largët i rrethuar nga kodra të larta ia vlen”, shkruhet në faqen online.