E ardhmja e Kylian Mbappé duket gjithnjë e më larg nga Parisi dhe në këtë drejtim po zë vend skenari i kalimit të tij te Real Madrid, në transfertë të lirë, në fund të sezonit. Al-Khelaifi, sidoqoftë, nuk dëshiron të heqë dorë dhe ka një precedent që i forcon bindjen. Atë kur e bindi herën e parë sulmuesin të qendronte nën Tour Eiffel. Kështu, ka marrë zjarr një tjetër përpjekje e PSG-së për të bllokuar yllin francez, me një kontratë befasuese, bashkë me ofertën e ndihmës për familjen e tij.
100 MILIONË NË SEZON PËR MBAPPÉ
Në këtë rast, sipas asaj që raportoi gazetari francez Daniel Riolo, Paris Saint Germain ka bërë një ofertë mbi 100 milionë euro në sezon. “Diçka që nuk është parë më parë – raportoi Riolo –. Ndërsa në anën tjetër, Real Madrid, ka një ofertë prej 30 milionë ose pak më shumë, një pagë normale për yjet e futbollit”.
NDIHMA PËR FAMILJEN
Për më tepër, klubi është ofruar të ndihmonte vëllain e tij Ethan (i lindur në 2006) në rrugën e tij të rritjes brenda klubit. Gjithashtu edhe nënën e tij, Fayza Lamari, për të hapur agjencinë e saj të parë të lojtarëve. A do të mjaftojë për të bindur Mbappé të qëndrojë te PSG? Në këtë kuptim, mbetet vetëm të presim zhvillime të mëtejshme.
🎥🗣️ 𝐈𝐍𝐓𝐄𝐑𝐕𝐈𝐄𝐖 – @PVSportFR
— Paris Saint-Germain (@PSG_English) January 16, 2024
Kylian Mbappé looks back on his most notable goals with Paris 🔴🔵@KMbappe: “You can't set limits"
In full ➡️ https://t.co/KPCZDQSP2Q pic.twitter.com/AsiPd9p1e5
