Një letër jo e zakonshme gjendet në Arkivin Qendror Shtetëror. “Mbrohuni nga UFO-t”. Letra e çuditshme i kërkon Shqipërisë që të mbrohet nga disqet fluturuese.
Në vitet 1990 një qytetar nga Korea e Jugut i shkruante Presidentit të Shqipërisë ku i kërkon që vendi ynë të bëhet pjesë e “Rrethit Suprem” me qëllim mbrojtjen nga UFO-t, objektet e panjohura fluturuese.
Letra dhe interpretimi që gjenden në Drejtorinë e Përgjithshme të Arkivave janë si më poshtë:
“Hwang Koen nga Korea e Jugut në këtë letër, që ka karakterin e një mesazhi, bënë thirrje për masat që duhen marrë për t’u mbrojtur nga disqet fluturues.
Kërkon që edhe Shqipëria të bëjë pjesë në “Rrethin Suprem” për zotërimin e hapsirës. Mendoj që letra të arkivohet. 18.9.1990. K. Stavri “
