Fier – Në 24 orët e fundit blutë e rendit të DVP Fier kanë arrestuar disa shtetas për vepra të ndryshme penale. Nga raportimet zyrtare të policisë mësohet se dy shtetas në Fier janë arrestuar sepse për motive banale ka plagosur një shtetas me mjet prerës ndërsa një e dytë ka goditur me grushta një tjetër shtetas. Në Levan është djegur një automjet pa viktima ndërsa një shofer ka pësuar infrakt në drejtim mjeti.
Specialistët për Hetimin e Krimeve të Komisariatit të Policisë Fier referuan materialet në Prokurori, ku nisi procedimi në gjendje të lirë për shtetasit:
-P. Y., 35 vjeç, banues në Fier, pasi dyshohet se për motive të dobëta, ka dëmtuar lehtë, me mjet prerës, një shtetas 48 vjeç;
-A. Z., 63 vjeç, banues në Fier, pasi dyshohet se për motive të dobëta, ka goditur me grushte, një shtetas 43 vjeç.
Specialistët për Hetimin e Krimeve të Komisariatit të Policisë Lushnjë referuan materialet në Prokurori, për vlerësim juridik të mëtejshëm, pasi në lagjen “Gafurr Muço”, dyshohet se si pasojë e infarktit, ka humbur jetën, në automjetin e tij, shtetasi B. D., 59 vjeç, banues në Lushnjë.
Mbrëmjen e djeshme, te rrethrrotullimi i Levanit, dyshohet se si pasojë e një defekti teknik, ka marrë flakë, gjatë lëvizjes, automjeti që drejtonte shtetasi A. Sh., 21 vjeç, banues në Fier. Si pasojë, është dëmtuar 21-vjeçari, i cili ka marrë asistencë mjekësore dhe është larguar në banesë, jashtë rrezikut për jetën.
Materialet procedurale iu referuan Prokurorisë së Fierit, për veprime të mëtejshme.
