Aktorja Michelle Trachtenberg ka ndërruar jetë në moshën 39 vjeçare.
Aktorja e “Harriet the Spy” u gjet e vdekur të mërkurën në mëngjes pasi pësoi arrest kardiak në apartamentin e saj në Nju Jork pranë Columbus Circle, konfirmoi The Post.
Departamenti i Policisë së Nju Jorkut tha se ajo ishte “e pavetëdijshme dhe nuk reagonte” kur oficerët dhe mjekët ndihmës mbërritën. Ajo u shpall e vdekur në vendngjarje.
Sipas burimeve, nëna e Trachtenberg zbuloi trupin e vajzës së saj rreth orës 8 të mëngjesit me orën lokale në One Columbus Place, një kompleks apartamentesh luksoze 51-katëshe në lagjen Central Park South të Manhatanit.
Publicisti tha për Us Weekly, “Me pikëllim të madh konfirmoj se Michelle Trachtenberg ka ndërruar jetë. Familja kërkon privatësi për humbjen e tyre.”
Trachtenberg, e cila ishte gjithashtu e njohur për rolet e saj në “Buffy the Vampire Slayer” dhe “Gossip Girl”, ngjalli shqetësime për shëndetin e saj vitin e kaluar kur postoi foto me një pamje drastike.
Michelle mbrojti pamjen e saj, megjithatë, duke i thënë “kritikëve”, “Më shpjegoni se si dukem e sëmurë”.
Ajo shtoi në atë kohë, “A nuk e kuptoni që nuk jam më 14 vjeç. Unë jam 38. Sa e trishtuar për ju që keni lënë një koment të tillë.”
Megjithatë, disa fansa kishin theksuar se nuk po përpiqeshin të kritikonin pamjen e saj, por ishin më shumë të shqetësuar për shkak se flokët e saj ishin më të hollë dhe sytë kishin një nuancë të verdhë.
Trachtenberg më pas u përgjigj në një postim të veçantë, “Kam marrë disa komente së fundmi për pamjen time. Unë kurrë nuk kam bërë operacione plastike, jam e lumtur dhe e shëndetshme.
Aktorja lindi në New York City dhe filloi karrierën e saj të aktrimit në moshën 3-vjeçare.
Seriali i saj i parë televiziv ishte në “The Adventures of Pete & Pete” të Nickelodeon nga viti 1991 deri në 1996. Suksesi i i saj i madh erdhi kur ajo luajti si personazhi titullar në “Harriet the Spy” të vitit 1996. Ajo gjithashtu vazhdoi të kishte role në filma si “EuroTrip”, “Ice Princess” dhe “17 Again”.
