Monday, July 15, 2024
spot_imgspot_imgspot_imgspot_img
HomeKULTURËShqipëria në OSCAR me “Alexander”, një histori e vërtetë arratisjeje nga koha...

Shqipëria në OSCAR me “Alexander”, një histori e vërtetë arratisjeje nga koha komuniste

Shqipëria synon çmimet ”OSCAR”. “Alexander” është një prodhim shqiptaro-amerikan. Aleksandër Gruda dhe miqtë e tij hartuan një plan të guximshëm për të vjedhur një anije luftarake dhe për t’i shpëtuar regjimit totalitar. Duke u përballur me zemërimin e armëve të mortajave, helikopterëve dhe mitralozëve, grupi u nis, duke rrezikuar gjithçka për një jetë, në liri.

“Kur dëgjova për herë të parë historinë e Aleksandër Grudës, ishte diçka që doja ta bëja menjëherë film, sepse gravitoja drejt historive për luftën e përjetshme për lirinë njerëzore. Aleksandri është një nga shumë njerëz që, duke jetuar nën një regjim totalitar, ëndërronte për lirinë por kur ai e ndërmori këtë udhëtim drejt ëndrrës, e bëri në një mënyrë tronditëse dhe heroike”, thotë Ardit Sadiku, regjisori dhe skenaristi i filmit.

Në këtë rrugëtim drejt lirisë Aleksandri humbi vajzën e tij Anisën, e cila u vra nga forcat e kufirit. Anisa Gruda, 4 vjeç është e vrara më e re me armë zjarri nga komunistët në vitin 1990. “Alexander” është një bashkëprodhim shqiptaro-amerikan që është filmuar në vende të ndryshme, duke përfshirë qytetin e Nju Jorkut, Shqipërinë, Malin e Zi dhe Australinë.

Filmi mori mbështetje nga Qendra Kombëtare Shqiptare e Kinematografisë dhe u prodhua në bashkëpunim me Bayou Road Films, me qendër në Shtetet e Bashkuara.

POSTIME TË NGJASHME

LEAVE A REPLY

Please enter your comment!
Please enter your name here

- Advertisment -

NJOFTIME TË NDRYSHME

MË SHUMË LAJME