Skemat piramidale online, ja emrat e çiftit fierak në kërkim
Burrë e grua të shpallur në kërkim nga Policia e Fierit për skemën piramidale, e motra e arrestuar.
Personat që shihni në foto janë çifti i shpallur në kërkim nga Policia e Fierit lidhur me skemën e mashtrimit të firmave piramidale të goditur ditën e sotme nga autoritetet.
Alma Shebeku dhe Ereledio Shebeku të dy 35 vjeç, janë shpallur në kërkim ndërsa Brunilda Ndini 38 vjeç, 1 nga 6 të arrestuarit, është e motra e Alma Shebekut.
Në një deklaratë për mediat, policia bëri me dije se në pranga kanë rënë 6 persona; Arbër Çela, Emanuel Taullau, Flavio Mukaj, Marius Kodra, Brunilda Todi dhe Brunilda Ndini. Këta funskionin si agjentë për të rekrutuar sa më shumë persona për të investuar në bursa, ndërsa organizatoërët e vërtetë të kësaj firme piramidale ende nuk janë arrestuar dhe ndodhen nën hetim.
Ky grup kriminal u zbërthye pas infiltrimit të agjentëve të policisë në skuadër.
Operacioni policor u zhvillua në Tiranë, Fier, Elbasan, Dibër, Berat e Gramsh. ga operacioni janë sekuestruar shumë të konsiderueshme parash si dhe janë bllokuar 6 kompani të kriptovalutave.
Skema funksiononte mbi modelin klasik piramidal: qytetarët që investonin, udhëzoheshin të sillnin të paktën 5 persona të tjerë në system, për të rritur përfitimet e tyre. Sa më shumë persona të sillje dhe sa me e madhe vlera e investuar, aq më shumë të ardhura të premtuara. Por në të vërtetë, këto nuk ishin investime reale, por një mekanizëm i mirëorganizuar për të përfituar fonde përmes mashtrimit, ku vetëm nivelet më të larta fitonin, ndërsa shumica sidomos pjesa fundore e piramidës humbnin kursimet e tyre.
