Dhoma e Përfaqësuesve të SHBA-së ka miratuar me shumicë votash ligjin që i hap rrugën ndalimit të përdorimit të rrjetit social TikTok në Shtetet e Bashkuara.
Me votimin e sotëm kompanisë kineze ‘ByteDance’ i është caktuar një afat pesë mujor, që të përgatisë shitjen e platformës një kompanie amerikane ose në të kundërt përdorimi i TikTok do të ndalohet në gjithë territorin amerikan.
Presidenti Joe Biden është shprehur gjithashtu se do ta nënshkruajë projektligjin, nëse dhoma e sipërme e miraton atë.
