Së fundmi është zbuluar shkaku i ndarjes nga jeta së reperit Coolio.
Zëdhënësi i familjes së tij, Jarel “Jarez” Posey, i tha TMZ të enjten se reperi “Gangsta’s Paradise” kishte g gjurmë të heroinës dhe metamfetaminës në sistemin e tij. Ashtu siç dyshuan disa nga miqtë e tij më të ngushtë, hetuesit besojnë se “astma e rëndë” e tij e kombinuar me përdorimin afatgjatë të cigareve gjithashtu kontribuoi në vdeekjen e tij më 28 shtator.
Pavarësisht lajmeve të vështira, Posey thotë se shtatë fëmijët e rritur të Coolio – Brandi, Jackie, Melan, Christopher, Artis III, Darius dhe Artisha – shpresojnë të nderojnë trashëgiminë e tij përmes muzikës së tij, si dhe disa bizhuterive të reja sentimentale. Një muaj pas ndarjes së tij, familja njoftoi se kishte bërë gjerdan me hirin e babait të tyre brenda. Secili fëmijë ishte në gjendje të personalizonte varësen e tij me një mbishkrim.
Jo vetëm kaq, por reperi vdiq pa testament, duke lënë fëmijët e tij të trashëgojnë pasurinë e tij prej 300,000 dollarësh, e cila përfshinte të gjithë “pronën e tij personale dhe llogaritë e depozitave pa afat, llogaritë financiare.” Coolio u gjet pa ndjenja në dyshemenë e banjës së shtëpisë së një shoku në Los Angeles vitin e kaluar. Ndarja e tij e papritur nga jeta i kapi në befasi njerëzit më të afërt, përfshirë Monte Jordan, i cili e pa muzikantin vetëm një javë para lajmit.
