Nga Hazbi Dida, publicist
- Po nuk dhè atë që të dhimbset, nuk merr atë që do.
- Mos thuaj hopa, pa e kaluar kanalin.
- Copës shikoj anën, goces nanën.
- Gjuha kocka nuk ka, por nga gjuha të thyhen brinjët.
- Nuk piqen gjilpërat majë – më – majë.
- Kur i bën nder dikujt, shkruaje në rërë. Kur të bën dikush, gdhende në gurë.
- Të rroje kosherja se bletët ikën…
-Aty ku nuk je i mirëpritur mos shko, madje edhe aty ku të presin shko rrallë. - Po i dhè lek armikut mund ta fitosh një mik, po i dhe mikut i humbet të dyja; mikun dhe lekun.
- Vetëm behari është jorgani i fukarasë.
- Kur fiton shtatë dhe prish tetë, pse e mban atë dreç kuletë ?!.
- Kush ka kohë për të sharë, s’ka kohë për të dashtë.
- Kali i kuq e ka një huq, po ky i imi e ka dhe ngjyrën.
- Hunda në lis, morri në kurriz.
- Ziliqarit mos ja trego as ëndrrën.
- Sa vrima ka muri, aq halle ka burri.
- Kur qesh gruja qesh shpia, kur qesh burri zgërdhihet kojshija.
- Te panjohurit priti sipas veshjes, por përcjelli sipas mendjes.
- Tangerlleku vjen me këpucë dhe ikën zbathur.
- Kur të kafshon gjarpëri, ke frikë edhe hardhucën.
- Gratë e huaja janë më të bukura, por vec e jotja ta qanë hallin.
- I mirë dhe i pafat, përfundon tek i ligu argat!
- Burri i dobët, rritet nën hijen e babës!
- Më mirë me të ngel merak ndonjëherë, se me i ra pishmanit gjithmonë!
- Kush mban shkallë dhe flet për tokè mos i beso, ai është më i rrezikshëm se hajduti. (politikanëve)
- Njerzit që kanë trurin e vogël, kanë gojën e madhe..
- Pas një mashkulli të suksesshëm, fshihet një femre fortë, zakonisht ajo është nëna.
- Ujk në shpi, qengj në rrugë.
- Lëre se na ngordhi gomari, po nuk na lanë rehat as mizat.
- Nëse qeni yt leh dhe ti s’ke buk as për vete, falenderoje kojshinë.
- Po vajte i paftuar, gjen sofrën pa shtruar.
- Ku nuk vë mend, vej lek që të kryesh punë !
- Askush nuk t’a mbyll derën qe zoti t’a hapi.
