Tirana është rikthyer te suksesi në transfertë me rezultatin 0-1 ndaj Bylisit. Bardheblutë vuajtën në stadiumin Adush Muça, megjithatë ia dolën të merrnin pikët e plota falë një goli të Florent Hasanit në pjesën e dytë.
Sulmuesi anësor shfrytëzoi një asist të Ismajlgecit dhe me të majtën e dërgoi topin në trekëndëshin e ballshiotëve. Tirana rikthehet në krye të klasifikimit edhe pse me pikë të barabarta me Partizanin , me nga 15.
Ndërkohë, ndeshja tjetër e javës së tetë, ajo mes Laçit dhe Vllaznisë përfundoi në barazim 1-1. Vendasit kaluan të parët në avantazh në minutën e 53-të me anë të Akinyemi, megjithatë shkodranët rikthyen baraspeshën në minutën e 67-të falë golit të Herald Markut.
