Një pjesë e Peizazhit të Mbrojtur Vjosë-Nartë, vetem pak kilometer larg qytetit të Vlorës, ështe “veshur” ngjyrë portokalli dhe rozë në këto ditë me temperatura të larta.
Vaskat e kripores po shfaqin pamjet magjike prej lulëzimit të algave “Dunaliella Salina”, të cilat kanë një prani të lartë të pigmentit “Beta Caroten”.
Agjencia e Zonave të Mbrojtura në Vlorë tha se këto alga ushqejnë disa organizma ligatinorë që bëhen më pas pjesë e dietës ushqimore të flamingove, që popullojnë Lagunën e Nartës.
