Cristiano Ronaldo vazhdon të jetë në formë fantastike, pavarësisht moshës 39-vjeçare Edhe pse luan në Ligën Profesioniste Saudite, pra jo në një nga pesë ligat e mëdha europiane, sërish nuk mund të hidhet poshtë një yll që realizon 3 gola e jep dy asistë në vetëm një pjesë loje.
CR7 shkëlqeu në fitoren 8-0 që Al Nasr arriti në fushën e ekipit të dytë më të dobët të kampionatit, Abha. Dy nga golat i shënoi me goditje dënimi, ndërkohë që tjetrin e realizoi me parabël.
E përditshmja portugeze “Rekord” ngre në qiell superyllin: CR7 i Madhërishëm! Shënon hatrik dhe jep dy asistime!
Tashmë, ai ka 29 rrjeta e 10 asistë në ligë, dhe 6 gola e 2 asistë në Championsin e Azisë. Në karrierë, Cristiano Ronaldo ka shënuar 885 gola.
