Kreu i Partisë së Lirisë, Ilir Meta ka folur mbrëmjen e kësaj të enjteje për situatën në forcën që ai drejton. I pyetur në studion e emisionit “Çim Peka Live” në Syri Tv, për marrëdhëniet me Monika Kryemadhin ai tha se ajo duhet të bëjë më shumë për Fierin, qarkun që e ka zgjedhur deputete.
“Kam shumë respekt për zonjën Kryemadhi, por i pari ka folur për inceneratorët ka qenë Ilir Meta. Edhe kur isha President unë e kam ngritur këtë çështje. I kam bërë thirrje që të flasë më shumë për Fierin meqë është edhe deputete e këtij qarku se aty ka shumë probleme. Bëra një takim në Fier, por nuk erdhi sepse kishte angazhime të tjera” – tha Meta.
Ai u pyet edhe për deklaratën e Kryemadhit në Parlament kur i tha Olta Xhaçkës se atë dyja po paguanin haraçete buirrave të tyre.
“I tha Xhaçkës se po paguan koston e burrit? Në fakt Monika po paguan kostot e Lulit që i fali mandatet e deputetëve. I thashë që të mos e bënte dhe nuk më dëgjoi. Monika po paguan kostot nga Lul Basha edhe pse atë nuk mund ta quash burrë” – tha Meta.
