Të shtunën është finalja e madhe e ”Big Brother Albania Vip 3”, dhe banorët po shijojnë ditët e fundit në shtëpinë e famshme. Ata së fundmi janë vënë përpara disa pyetjeve, ku duhej të përgjigjeshin të gjithë.
Pyetjes se cila është ëndrra e tyre në sirtar, Romeo i është përgjigjur: “Kam dashur shumë të bëja shkollën po nuk kam pasur mundësi, vitin e dytë e lashë se nuk mund ta paguaja”.
“Më vjen keq”, u shpreh aktorja Egla Ceno në anën tjetër. Moderatori gjithashtu ka folur edhe për historinë e dashurisë që krijoi brenda me Heidi Bacin. Moderatori tha se fillimisht ka pëlqyer buzëqeshjen e modeles dhe se i është dukur ndryshe nga vajzat e tjera.
