E ardhmja e Thoma Strakoshës mund të jetë në Premier League. Ditët e fundit pista e Fulhamit është ftohur, por në skenë ka dalë një tjetër klub anglez.
Bëhet fjalë për klubin e Chelsea-t, që ka kthyer sytë nga portieri shqiptar.
Lajmi është bërë publik nga eksperti i transferimeve, Fabrizio Romano, i cili në një postim në “Twitter” shkruan se portieri “kuqezi” është një nga opsionet e “bluve” të Londrës, duke qenë se aktualisht është lojtar i lirë. Strakosha shihet si njeriu ideal për të qenë zëvendësues i Mendy-s, pas lamtumirës së pritshme të Kepa-s.
“Thomas Strakosha është duke tërhequr interesin e klubeve të mëdha duke qenë se është lojtar i lirë. Chelsea po e konsideron si një opsion, në rast se Kepa do të largohet nga klubi këtë verë.”-shkruan Farbizio Romano.
