“Karma!” – Reagimi i Tom Cruise pas divorcit të Nicole Kidman

Tom Cruise ka reaguar për herë të parë ndaj ndarjes së bujshme të ish-bashkëshortes Nicole Kidman nga Keith Urban pas 19 vitesh martesë.

Sipas International Business Times, aktori 63-vjeçar u ka thënë miqve të afërt se divorci është një lloj “karme”, duke kujtuar mënyrën se si u trajtua në ndarjen e tij me Kidman në vitin 2001.

Burime të afërta me aktorin pretendojnë se Cruise ka mbetur i lënduar nga fakti që në atë kohë ai u portretizua si “fajtori”, ndërsa Kidman mori thuajse gjithë simpati­në e publikut. Sipas tyre, aktorin e ka lënduar sidomos mënyra si Nicole e trajtoi publikisht ndarjen, duke bërë madje edhe komente thumbuese për gjatësinë e tij.

Sipas burimeve, Cruise beson se tani është “provuar i drejtë”, teksa shikon fundin e martesës së Kidman me Keith Urban. Ai thuhet se gjithmonë e ka irrituar mënyra se si Urban u paraqit nga media si “shpëtimtari” i aktores. Megjithatë, aktori po e ndjek lajmin me kujdes dhe një pjesë e tij, sipas raportimeve, ndjen keqardhje për Nicole.

Cruise dhe Kidman ishin një nga çiftet më të fuqishme të viteve ’90 dhe u ndanë në vitin 2001, mes raportimeve se Kidman nuk pranoi t’i bashkohej Kishës së Scientologjisë, besimit të Cruise. Aktori, më vonë, u martua me Katie Holmes, me të cilën ka vajzën Suri — megjithëse tashmë nuk ka kontakte me to.

Pas dy muajve heshtje nga momenti i shpërthimit të lajmit për ndarje, Keith Urban është rikthyer në Instagram për të promovuar reality show-n e tij të ri The Road. Në episodin e parë, këngëtari flet hapur për sfidat e jetës në turne dhe momentet e vetmisë, ndërsa burimet thonë se oraret e ngarkuara të çiftit kanë qenë një faktor kyç në prishjen e martesës.

Raportimet e fundit pretendojnë se këngëtari po kalon një “krizë të mesit të jetës”, duke bërë zgjedhje konfuzuese që kanë kontribuar në ndarje.

Nicole Kidman ka dy vajza me Urban: Sunday Rose, 17 vjeç, dhe Faith Margaret, 14 vjeç.