Kryeministri Edi Rama të mërkurën zhvilloi një takim larg syrit të medias, me Princin e Kurorës të Arabisë Saudite, Mohammed bin Salman, që u zhvillua në Athinë. Sot gjatë inspektimit në portin e ri të Vlorës, Rama zbuloi edhe për marrëveshjen e arritur.
“Isha në Athinë ku takova Princin e Kurorës, i cili më ftoi të shkoja atje sepse pati një ndalesë në Athinë. Ndalesa e Shqipërisë u shty për një moment të dytë.
Aty u lidh marrëveshja për të sjellë interkonjeksionin nga Arabia Saudite në Greqi dhe për t’i shitur Greqisë dhe kësaj zone energjinë diellore që kanë të plan të prodhojnë në sasira marramendëse. Sa i takon energjisë, për disa vite do të jemi eksportues, jo më importues”, tha Rama.
