Mike Máquina del Mal, një influencues meksikan me gati gjysmë milioni ndjekës në TikTok, është i njohur për opinionet e tij kontroverse mbi futbollin. Djaloshi është një admirues i zjarrtë i Cristiano Ronaldo. Megjithatë, një sfidë e fundit e shtyu atë të bënte tatuazh fytyrën e argjentinasit Lionel Messi në shpinë.
Episodi ndodhi gjatë një transmetimi në Twitch me emitentin argjentinas La Cobra. Mike, i sigurt se shtatë herë fituesi i Topit të Artë nuk do të fitonte League Cup me Inter Miami, vuri një bast: “Nëse Messi fiton League Cup, unë do ta bëj atë tatuazh. Jam shumë i sigurt se ai nuk do ta fitojë, saqë do t’jua them menjëherë”. Megjithatë, Messi dhe Inter Miami fituan trofeun dhe Leo u shpall lojtari më i mirë i turneut.
Në përputhje me fjalën e tij, Mike udhëtoi për në Argjentinë dhe, në një transmetim të drejtpërdrejtë në kanalin Twitch de La Cobra, bëri një tatuazh fytyrën e argjentinasit Messi së bashku me fjalën “GOAT” (Më i madhi i të gjitha kohërave). Pavarësisht tatuazhit, Mike përsëriti qëndrimin e tij kur u pyet se çfarë domethënie është “GOAT”, duke thënë se për të “GOAT” i vërtetë është Cristiano Ronaldo.
Videoja e tatuazhit u bë virale në rrjetet sociale, me mbi 20,000 njerëz që e ndoqën drejtpërdrejt ngjarjen. Pas tatuazhit, kamera e ka shfaqur Mike me fytyrën e Leo Messi dhe fjalët “GOAT” të tatuazhuara në shpinë, duke e njohur në mënyrë implicite Pleshtin si më të mirën në botë.
