Një aksident ka ndodhur në rrethrrotullimin Savër, në Lushnjë. Një mjet ka dalë nga rruga dhe është përplasur me një shtyllë elektrike. Makina ka marrë përpara fillimisht shenjat sinjalistike të rrugës dhe më pas është përplasur me një shtyllë të tensionit të lartë.
Si pasojë është dëmtuar shoferi i kamionit dhe është dërguar në spitalin e Lushnjes për t’i dhënë ndihmën mjekësore. Dyshohet se shkak i aksidentit ka qenë përgjumja e drejtuesit të automjetit.
