Gilberto Rodríguez Orejuela, një prej liderëve të kartelit kolumbian të drogës, Cali dhe një prej rivalëve më të egër të Pablo Escobar ndërroi jetë në një burg në SHBA,. Lajmi u dha nga avokati i tij këtë të mërkurë.
I njohur me pseudonimin e tij “Shahisti”, 83 vjeçari akuzohet se ndihmoi në ngritjen e kartelit Cali, i cili dikur kontrollonte 80% të tregut global të kokainës, sipas një raporti nga Administrata Amerikane e Zbatimit të Drogës. Familja planifikon t’a riatdhesojë në Kolumbi.
Arrestimi i Rodriguez Orejuela nga autoritetet kolumbiane në 1995 shënoi fillimin e shpërbërjes së kartelit Cali, i cili kishte kontrabanduar sasi të mëdha kokaine nga Kolumbia në Shtetet e Bashkuara në vitet 80 – 90.
Ai u ekstradua në Shtetet e Bashkuara në vitin 2004 dhe po vuante dënimin e tij në një burg federal në Butner në Karolinën e Veriut. Në vitin 2020, një gjykatës e mohoi lirimin e parakohshëm. Avokati i tij tha në atë kohë se ish-mbreti i drogës po vuante nga një sërë problemesh shëndetësore.
Rodríguez Orejuela dhe vëllai i tij, Miguel, ndërtuan një sipërmarrje të madhe kriminale që luftoi me Pablo Escobar dhe aleatët e tij të kartelit Medellín për kontrollin e trafikut të drogës. Ndryshe nga Escobar, i cili nisi një luftë të hapur ndaj autoriteteve kolumbiane dhe forcave të sigurisë, karteli Cali e përqendroi shumicën e aktivitetit në operacionet kriminale.
Ata pranuan gjithashtu financimin e fushatave politike, duke përfshirë kandidimin e vitit 1994 të presidentit të Partisë Liberale, Ernesto Samper, i cili mohoi të kishte dijeni për donacionet në atë kohë.
Vëllezërit Rodríguez Orejuela u kapën në 1995 dhe u dënuan me 15 vjet burg. Në atë moment, ligji kolumbian ndalonte ekstradimin e shtetasve të saj, por nën presionin e SHBA-së, Kolumbia e hoqi atë ndalim në 1997.
Megjithatë, në vitin 2002, Rodríguez Orejuela u lirua papritur nga burgu pas një vendimi kontrovers të gjykatës, por ai u arrestua sërish në vitin 2003.
Më pas u zbulua se vëllezërit kishin vazhduar trafikun nga burgu ndaj për ta u ngritën kallëzime penale në Miami dhe Nju Jork. Në vitin 2004 Gilberto u ekstradua ndërsa Miguel u ekstradua një vit më pas. ©LAPSI.al
![Gilberto Rodríguez Orejuela, The 'Chess Player' Of The Cali Cartel](https://allthatsinteresting.com/wordpress/wp-content/uploads/2022/05/gilberto-rodriguez-orejuela-arrested.jpg)
![Cali cartel boss Gilberto Rodríguez Orejuela dies in US prison | US news | The Guardian](https://i.guim.co.uk/img/media/c2f485c5b7cb89f8379de40aa994f98b29b54baf/0_62_1524_913/master/1524.jpg?width=1200&height=900&quality=85&auto=format&fit=crop&s=04d9dcef201875182f320d2da8606c63)
![Constitutional Court ratifies the conviction against associates of Drugs La Rebaja, founded by the Rodríguez Orejuela - Infobae](https://cloudfront-us-east-1.images.arcpublishing.com/infobae/4BLMLLIVWZFH5C5QURBHPEXJVQ.jpg)