Dolly Parton ka deklaruar së fundmi se do të heq dorë nga turnetë. Në një intervistë të re me Pollstar, Parton pohoi, “Unë nuk mendoj se do të bëj një turne përsëri”, përpara se të shtonte, “Unë do të bëj shfaqje speciale herë pas here. Ndoshta bëj një fundjavë të gjatë me shfaqje, ose vetëm disa shfaqje në një festival. Por nuk kam ndërmend të shkoj më në një turne të plotë.”
“Këtë e kam bërë gjatë gjithë jetës sime dhe kërkon shumë kohë dhe energji. Më pëlqen të qëndroj pak më afër shtëpisë me burrin tim. Ne po plakemi tani, dhe unë nuk dua të largohem për katër ose pesë javë në të njëjtën kohë. Diçka mund të ndodhë. Nuk do të ndihesha mirë për këtë, nëse do të isha ikur dhe dikush do të kishte nevojë për mua.
Parton, e cila ka qenë e martuar me Dean që nga viti 1966, thotë se burri i saj është ai për të cilin ajo po bën muzikë të re në formën e një albumi rock and roll. “Kur u nominova për Rock & Roll Hall of Fame, mendova se nuk ka kohë më të mirë për ta bërë këtë. Gjithmonë kisha dashur ta bëja. Burri im është një adhurues i madh i hard rock ‘n’ roll-it.
Edhe pse e zënë me muzikë të re, muzikantja është në punë edhe për një “special” Krishtlindjesh siç e quan ajo, për NBC. “Është një shfaqje brenda një shfaqjeje. Ajo që ne po bëjmë është e përqendruar në anën dramatike. Është duke treguar të gjitha gjërat që ndodhin gjatë kohës që po krijoni një shfaqje. Të gjitha argumentet që keni me producentët, të gjitha problemet që ju keni me artistët.Unë jam plotësisht vetvetja në këtë. Unë jam thjesht Dolly. Nuk po luaj një personazh”
