38-vjeçari Fatjon Dervishi që u vra mbrëmë në një atentat në Katund Sukth, nuk ka qenë i vetëm.
Mësohet se kur është qëlluar me armë nga atentatorët Fatjon Dervishi ishte duke drejtuar makinën, ndërsa shoqërohej nga një shoku i tij, i cili nuk është prekur nga plumbat.
Hakmarrja, është pista kryesore që janë përqëndruar hetimet për zbardhjen e vrasjes së 38-vjeçarit Fatjon Dervishi mesnatën e kaluar në Sukth.
Viktima është person pa precedent por, vëllai i tij, është i akuzuar për vrasjen e një personi tjetër.
Ngjarja ka ndodhur jashtë kufijve të Shqipërisë. Përsa i përket dinamikës së ngjarjes 38-vjeçari, nuk ka qenë i vetëm në makinë. Ai ka qenë i shoqëruar nga një mik i tij kur është qëlluar me breshëri kallshnikovi, në zonën e shinave.
I marrë në pyetje si dëshmitar okular, miku i viktimës është shprehur se ata kanë qenë në makinë, kur janë qëlluar me breshëri automatiku.
Shoku i tij është shoqëruar në polici teksa ka dhënë edhe dëshminë mbi ngjarjen. Ai ka thënë para uniformave blu se ata kishin qenë në një lokal dhe po ktheheshin për në shtëpi kur janë goditur.
“Ishim në një lokal dhe po ktheheshim në shtëpi kur na qëlluan”, -ka deklaruar në polici shoku i viktimës.
Policia ka ngritur kontrolle për të bërë të mundur kapjen e autorëve.
Ndërkohë që policia dhe prokuroria e Durrësit, që po punojnë për zbardhjen e kësaj ngjarjeje kanë sekuestruar disa kamera sigurie të banesave, por dhe bizneseve ne Sukth, me qëllim identifikikimin e ndonjë gjurme nga ana e autorëve.
