‘Fletëarresti për Lubi Ballukun do të rikthehet në Kuvend’, Balliu: Rama do e lëshojë

Deputeti i PD-së, Klevis Balliu me anë të jë reagimi në rrjetet sociale, shprehet se, në Kuvend pritet të mbërrijë një tjetër fletë arresti për Belinda Ballukun.

Por sipas tij, këtë herë Edi Rama ose duhet ta lëshojë Ballukun, dhe pastaj të përballet me të, ose ta mbrojë dhe të përballet me popullin që proteston prej 26 ditësh.

Reagimi i deputetit të PD, Klevis Balliu:

Fletëarresti për Lubin mund të rikthehet dhe Edi Rama do të duhet të marrë një vendim: ta mbrojë sërish apo ta lërë të përballet me drejtësinë.

Nëse e mbron, do të përballet me një reagim të jashtëzakonshëm qytetar. Nëse nuk e mbron, rrezikon që zinxhiri i përgjegjësive të ngjitet deri tek ai, sepse Lubia nuk vepronte e vetme.

Nuk përjashtohet që, ashtu siç u kërkua më parë pezullimi i Belinda Ballukut nga detyra e zëvendëskryeministres, të ngrihen kërkesa të ngjashme edhe ndaj Edi Ramës.

Prandaj, le të vazhdojmë mbështetjen për të rinjtë dhe të rejat që sot po protestojnë kundër këtij pushteti.