Gjirokastra në protestë, qytetarë nga i gjithë Jugu mblidhen në sheshin “Çerçiz Topulli”
GJIROKASTËR – Qytetarë nga disa bashki të jugut të vendit janë mbledhur këtë të diel në sheshin “Çerçiz Topulli” në Gjirokastër, në një tubim qytetar që po zhvillohet në mënyrë të qetë dhe pa incidente.
Në protestë marrin pjesë banorë nga Gjirokastra, Dropulli, Libohova, Përmeti, Tepelena dhe Memaliaj, të cilët janë bashkuar për të shprehur qëndrimet dhe kërkesat e tyre.
Sipas informacioneve nga vendi i ngjarjes, protesta po zhvillohet në një atmosferë paqësore dhe të organizuar, ndërsa pjesëmarrësit kanë zgjedhur të përcjellin mesazhet e tyre përmes pankartave dhe thirrjeve qytetare.
Në sheshin qendror të qytetit vihet re një pjesëmarrje e konsiderueshme e qytetarëve nga zona të ndryshme të jugut të Shqipërisë, ndërsa deri më tani nuk raportohen incidente apo përplasje.
Tubimi vijon në kushte normaliteti, nën monitorimin e strukturave përgjegjëse, ndërsa organizatorët kanë bërë thirrje për zhvillimin e protestës në mënyrë qytetare dhe paqësore.
