Janë mësuar detaje të reja nga grabitja e armatosur e argjendarisë pasditen e kësaj të marte në Kamzë. 3 persona të maskuar dhe të armatosur me një kallashnikov mundën që të merrnin rreth 1 kilogram flori nga argjendaria duke kërcënuar shitësen. Përpara hetuesve ka dhënë dëshminë e saj pronarja e argjendarisë.
Mësohet që ajo të ketë thënë se një nga autorët ka pasur dialekt jugor. Sipas të dhënave në vendin e ngjarjes, 3 grabitësit besohet se kanë ardhur nga Fushë Kruja dhe më pas janë larguar në drejtim të Laknasit. Një tjetër detaj është se targat që kishin vendosur në automjetin tip BMW X6, i përkasin një automjeti tjetër tip Hyundai.
Këto targa janë kopjuar nga autorët dhe ishin vendosur në automjetin që u përdor gjatë grabitjes me qëllim ngatërrimin e efektivëve të policisë. Ngjarja ndodhi rreth orës 17:15, në rrugën “Nënë Tereza”. Mediat kanë publikuar pamje të automjetit luksoz tip BMW X6, ngjyrë të bardhë që u përdor nga grabitësit për t’u arratisur nga vendngjarja.
Policia ndodhet në vendin e ngjarjes dhe ka nisur hetimet për zbardhjen e dinamikës së saj dhe identifikimin e autorëve. Janë ngritur pikat e përkohshme të kontrollit në qarqet Tiranë, Durrës, Lezhë, Kukës dhe Shkodër. Për këtë rast është krijuar një grup i posaçëm hetimor me specialistë të strukturave të posaçme të luftës kundër krimeve të rënda.
3 persona të armatosur me automatik kanë grabitur rreth gjysmë kilogramë flori pasditen e sotme një argjendari në Kamëz dhe më pas janë arratisur me një makinë tip BMW. Ngjarja ndodhi rreth orës 17:15, në rrugën “Nënë Tereza” të së martës. Argjedaria e quajtur “Marsi” administrohet nga një person me iniciale E.S..
Mediat kanë publikuar pamje të automjetit luksoz tip BMW X6, ngjyrë të bardhë që është përdorur nga grabitësit për t’u arratisur nga vendngjarja. Sipas të njëjtave burime autorët i janë drejtuar drejt zonës së Laknasit.
Po ashtu raportohet se autorët që kanë ardhur nga Fushë Kruja dhe kanë përdorur targa të falsifikuara për mjetin. Policia ndodhet në vendin e ngjarjes dhe ka nisur hetimet për zbardhjen e dinamikës së saj dhe identifikimin e autorëve. Janë ngritur pikat e përkohshme të kontrollit në qarqet Tiranë, Durrës, Lezhë, Kukës dhe Shkodër.
