Hakerat kanë publikuar ditën e sotme në rrjetin e komunikimit “Telegram” të dhënat për individë të skeduar për ngjarje kriminale nga sistemi policor ‘Memex’. Mes qindra të dhënave të publikuara, bie në sy edhe foto si dhe të dhëna personale për të shumëkërkuarin Ervis Martinaj. Ky i fundit rezulton i zhdukur që prej datës 10 gusht.
Ajo që bie në sy është fakti që Martinaj në foto duket në një moshë mjaft të re. Gjasat janë që ajo të jetë shkrepur rreth 12-15 vite më parë.
Krahas fotos, hakerat kanë publikuar edhe të dhënat personale. Si ditëlindja, vendlindja, atësia apo edhe numri personal i Ervis Martinajt.
