Janë publikuar pamjet që tregojnë momentin kur grupi i serbëve të armatosur arriti të arratiset nga manastiri i Banjskës të Zveçanit pas rrethimit nga policia e Kosovës.
Pamjet nga droni tregojnë agresorët teksa ecin maleve si dhe brenda mureve të manastirit. Nga përplasjet humbi jetën efektivi shqiptar Afrim Bunjaku si dhe 3 agresorë serbë ndërsa 2 të tjerë u kapën të plagosur dhe 6 të tjerë janë arrestuar.
Rreth 30 persona me uniforma dhe të maskuar shihen teksa lëvizin në manastir pak orë pasi kishin qëlluar për vdekje policin Afrim Bunjaku në këtë fshat. Autoritetet e Kosovës thanë se është kapur edhe një arsenal armësh.
Mediat serbe raportuan se disa sulmues po trajtohen në spitalet e Serbisë. Pamjet janë publikuar nga agjencia prestigjioze “Associated Press” mbrëmjen e kësaj të hëne duke u shprehur se materialin e ka marrë nga Qeverisë së Kosovës.
