Lamine Yamal i mahnitur nga Ronaldinho: Atij nuk i bie topi, mua ndoshta po
Lamine Yamal dhe Ronaldinho kanë ndarë një moment të veçantë gjatë një bashkëpunimi me McDonald’s, ku u bashkuan e tashmja, e ardhmja dhe e kaluara e futbollit botëror.
Gjatë një seance të lehtë me topin, talenti i ri i Barcelonës nuk e fshehu admirimin për legjendën braziliane, duke u impresionuar nga lehtësia me të cilën Ronaldinho e kontrollonte topin.
Mes buzëqeshjes dhe batutave, Yamal u shpreh me humor:
Atij nuk i bie topi, mua ndoshta po”, një fjali që tregon qartë respektin dhe adhurimin e tij për një nga figurat më ikonike të historisë së futbollit.
Takimi mes dy gjeneratave të futbollit u kthye në një moment argëtues dhe simbolik, duke treguar edhe një herë ndikimin e madh që Ronaldinho vazhdon të ketë tek futbollistët e rinj në mbarë botën.
