Elvis Toçi, president i Federatës shqiptare të Skive, flet për suksesin e arritur ditën e sotme (2 shkurt) nga Lara Colturi, italiania e natyralizuar si shqiptare e cila u rendit në vendin e tretë në kategorinë e femrave për Botërorin e Skive.
Ai tha se një rezultat i tillë është i jashtëzakonshëm për një vend të vogël si Shqipëria ndërsa theksoi se Laura i ka mundësitë që të jetë kampione bote në të ardhmen.
”Ndodhemi në Francë, në alpet e Francës. Një tjetër lajm i shkëlqyer edhe Deni Xhepa është në vendin e 17-të ndërsa në vendin e 16-të Alban Elezaj që garon për Francën,. Marrim çmimin e tretë. Shqipëria nuk ishte dëgjuar në kampionatin e skive por tani u bë rutinë. Lara natyrisht është shumë e motivuar. I ka përbërësit që të dalë kampione bote. Kishte një trishtim sepse pretendonte të ishte e para. Por këtu jemi në kushte të një bore të shkrirë që e dëmton rezultatin e saj. Por edhe vendi tretë për Shqipërinë e vogël është diçka e jashtëzakonshme”,-tha Toçi.
Presidenti i Federatës së Skive shtoi më tej se me këto rezultate, Laura do të jetë konkurruese edhe në Lojërat Olimpike që do të mbahen në vitin 2026.
